منتديات سراب العمر

انت لست مسجل نرجو التسجيل ..
تحياتي المغـــــــــــــــــــــــرم


مرحبا الف بجميع الزوار والاعضاء والمشرفين بمنتداكم منتظرين تفاعلكم ((أخوكم : المغرم))
كلن على دنياة رابح وخسران ونا ربحتك في الليالي العسيرة

المواضيع الأخيرة

» الدمار على ضفاف
الثلاثاء سبتمبر 01, 2015 4:09 am من طرف حكمت خولي

» حواء تساءل ربها
الأحد أغسطس 23, 2015 2:27 am من طرف حكمت خولي

» بين الحطام لمحتها
الثلاثاء أغسطس 18, 2015 11:40 pm من طرف حكمت خولي

» نعمة الايمان
الأربعاء يونيو 17, 2015 11:28 pm من طرف حكمت خولي

» زورق الاقدار
الخميس يونيو 04, 2015 8:39 am من طرف حكمت خولي

» يا ليل ما بك
الثلاثاء أبريل 21, 2015 3:45 am من طرف حكمت خولي

» آذار ولى هاربا
الأحد أبريل 05, 2015 2:30 am من طرف حكمت خولي

» شوقي اليك
الجمعة مارس 27, 2015 1:56 am من طرف حكمت خولي

» ادعوك باسم الحب
الخميس مارس 19, 2015 1:01 am من طرف حكمت خولي

التبادل الاعلاني

تصويت


    قصيدة ابن تويم ( تعتبر من المعلقات )

    شاطر
    avatar
    المغرم
    المدير العام للمنتدى
    المدير العام للمنتدى

    عدد المساهمات : 68
    نقاط : 4142
    التقييم : 1
    تاريخ التسجيل : 28/09/2009
    الموقعمكة المكرمة

    قصيدة ابن تويم ( تعتبر من المعلقات )

    مُساهمة من طرف المغرم في الثلاثاء أكتوبر 06, 2009 1:51 pm





    ليله وانا مرتـاح فـي احلـى منـامى = جتني طمـوح النفـس سـر الغـرامى
    واوصتني احفـض سرهـا باحتـرامى= لايسمـعـن السـيـدات الاديـبـات
    وتقول انا جيتـك مـن ارض بعيـده = اسمع ببـو مطلـق واحبـه واريـده
    لعلنـا نحـيـا حـيـات سعـيـده = "ونعج فـي مستقبـل الوقـت عجـات
    قلت اجعلى صدقـك يغطـي مزوحـك = وانا الطبيب اللـى يـداوي جروحـك
    مير اخبريني عـن حياتـك وروحـك = بالله مـن ايـات النحايـا والامــات
    قالـت ايرانيـه ومـن ديـرة ايـران = جابتني الاقـدار مـن ذيـك الاوطـان
    قلت الغصـون تميـل والعـود ريـان = ياكثـر كـذب ام العيـون الكحيـلات
    قالت عراقيـه ومـن ذيـك الاقطـار= ادرى على ذا الروح مـن كـل غـدار
    قلـت اه ياريـم الفـلا منـك مكـار= ياكثـر كـذب ام العيـون الكحيـلات
    قالـت ترانـي مـن بـلاد الشوامـي = من سوريه قلـت اتركـي هالكلامـي
    يبـو انهـود مثـل تفـاح شـامـي = ياكثـر كـذب ام العيـون الكحيـلات
    قالـت ترانـي مـن هذيـك النحيـه = مـن ناحيـة عمـان الارض الهنيـه
    قلت اعتقـد مانتـي صحيـح اردنيـه = ياكثـر كـذب ام العيـون الكحيـلات
    قالـت ترانـي مـن قطـر ياثبيتـي = هات القلم وكتب للك اوصـاف بيتـي
    قلت اختبرناك وعلى الصـدق ا بيتـي= ياكثـر كـذب ام العيـون الكحيـلات
    قالت خذ الصدق واخذ اقصى الحقيقـه = مـن الكويـت اللـى بلدكـم شقيقـه
    قالـت اثـر ساعتكـم تقـدم دقيقـه = ياكثـر كـذب ام العيـون الكحيـلات
    قالت خـذ اعلومـي وسجـل خبرهـا = من تونس الخضرا سقـى الله ديرهـا
    قلـت الثـريـا لاتغـالـط قمـرهـا = ياكثـر كـذب ام العيـون الكحيـلات
    قلـت نبـي نقنـع مجيـب وسايـل = من ليبيه ياخـي ويـش انـت قايـل
    قلـت السفـاره تبعـث النـا رسايـل = ياكثـر كـذب ام العيـون الكحيـلات
    قالت نبي نقصر لـك العلـم قصـرى = اليا بغيت الصدق من شعـب مصـرى
    قلت ابني من الكذب عشرين قصـرى = ياكثـر كـذب ام العيـون الكحيـلات
    قالت عسى رب الملا يصلـح الشـان = منشي سحاب الغيث من غر الامـزان
    لن سلتني ياخي مـن شعـب لبنـان = ياللـى تسـب ام العيـون الكحيـلات
    قلـت الحـذر منكـن فـرض وسنـه = ياكم ركبنا الخيـل مـن غيـر اعنـه
    يجب علينا الحرص مـن كيـد كنـه = في وقتنا الحاضر وفي كـل الاوقـات
    امشي على مهلك واناامشـي بمهلـي = ياحلوت الخدين لـن سمعـوا اهلـي
    اخـاف مايلتـف شمللـك وشمـلـي = قلتـه وقالـت ليتهـا كـان ماجـات
    حبك كـوى قلبـي وهشـم ضلوعـي = تنـاول المنديـل مـسـح دمـوعـي
    قلت ابشري مـولاك ماهـو قطوعـي = وانـا مـن ارجـال تحـل المهمـات
    بكـره يبـي يخطبـك اميـر بدالـي = ناصـر بـن معمـر كريـم السبالـي
    قالـت صحيـح انـه عزيـز وغالـي= لكـن مامالـت لـه النفـس ميـلات
    قلت امطر خيالـك وسيلـك نحـاوي = لاتحسنين الضـن فـي كـل غـاوي
    عبدالعزيـز بـن معـمـر غـنـاوي = قالت عنه قلبي ضـرب لـه نحيـات
    قلـت الله ينسيـك هـمـك وهـمـي = ابالعـلا مانـع تريـه بـن عـمـي
    قالـت كفـو لاكـن ماهـو بيـمـي = يقولـون مانـع مايبـي الاجنبـيـات
    قلت اتركي ثلثيـن الاحـزان والضيـم = رضيت لك فضيلـة القاضـي اغنيـم
    قالـت تـراك اتعبتـي يابـن تويـم = وانشبتنـي فـي خـط كلـه ملفـات
    قلت الشريف حسين لن جـاك ضنـي= راعـي هـروج مثـل هيـل وبـنـي
    قالـت مـن ايـدق الطبـول ويغنـي = قلب الشريف يميـل نحـو الشريفـات
    قلـت ان هـداك الله ياعسـل ذايـب= يقولون يحيـا شيـخ ماهـو بخايـب
    كنه ولـد وان كـان اريتيـه شايـب= قالت عدلنـا عـن ملاييـن وميـات
    قلت ارقصي فوق الغصـن ياحمامـه= لقيـت شفـك مـن رجـال الشهامـه
    ياسيـن راعـي فـلـه بالسـلامـه= قالت علومي عـن علومـه بعيـدات
    قلـت اه ياضبـي عديـم الوصايـف= دنياك يالغالـي كمـا مانـت شايـف
    طلعت تـورى فيـه والاانـت عايـف = قالت ماسب اهل الشـرف والمـروات
    قلت الشـرف مافـور والعـز ضـافى = ذكرت لـي شخـص لبوسـه رهـافى
    اسمـه جمـال الزمـزي يالسـنـاف = قالت شربنـا المـا مـن الزمزميـات
    قلت اشكل علومـك طـوال عـراضى = الغايه ابارضى للـك اسـراج قاضـي
    قالت على صرف النضـر والتغاضـي = نمضي لكـم باقلامنـا عشـر مـرات
    قلـت الحميـدي لا يفوتـك نصيحـه = لن كان اثـر نيتـك معنـا صحيحـه
    راعي الصحن فـي حلتـه والذبيحـه = قالت كفـو ميـر العـذارى كثيـرات
    قلـت العفـو نسيـت واليـوم ذاكـر= مـن راينـا نعطيـك محمـود شاكـر
    قالت نرد الـك الخبـر صبـح باكـر= والعيـن تشـر والسرايـر خفيـات
    قلت احسنـي ضنـك وقلبـك دليلـك = عبدالله قصيـر يبـي يستـوي لـك
    واليا استويتي لـه يسجـل جميللـك = قالت قلـوب اهـل المحبـه سجـلات
    قلت اثـر سوقـك مصـدر للخسـاره= مانـاسـبـوك موضـفـيـن الاداره
    قالت شرفنـا مايبـي عبـس جـاره= لوكيدكـم يرجـح بكـيـد الزكـيـات
    قلت ارتضي لك واحد مـن ازملايـه= ولكـل مشكلـت" علـى الله نهـايـه
    جـار الله السـواط فييـه الكفـايـه = قالـت وجـع لايسمعـن البنيات
    قلت العصيمي مـن رجـال الشكالـه = اخذيـه قـالـت مافتـنـي جمـالـه
    ياخـذ لـه اعصيميـت شـف بالـه = ماعاشـر البـدوان غيـر ابـدويـات
    قلـت الجعيـد الضاهـر انـه شفيـه = ابـن طنـف راعـي العلـوم النقيـه
    قالـت دخيلــك لاتـدلـه علـيـه = أقـر عليـه الفاتـحـه والتحـيـات
    قلـت الحـلا ضـد البـلا والمـراره= عندي لك مريسـي سقـى الله ديـاره
    قالت عسـى عينـي ماتشـوف داره = الحـارثـي يكفـنـه الحـارثـيـات
    قلـت الذويبـي عزوتـه يمدحـونـه = قالت سمعنـا بـه ونسمـع لحونـه
    مـن دون قاصـر فيـه ولا مهونـه = حلفـت مانضـوي قرايـا الذويبـات
    قلت ارضهم فيهـا هضـاب الغميمـي = اللى رعى فـي عشبهـا كـل ريمـي
    قالـت تعلـم لـك غـزال غشيـمـي = عاش بجبـل لبنـان بيـن الجنينـات
    قلت اخبر النا صاحب فـب المطافـي = في الروضه الى دون ربـع المصافـي
    عبدالله اللـى قلبـه ابيـض وصافـي = قالت عرفنا الفضـه مـن الجنيهـات
    قلـت الحقيقـه مابغيـت انتـفـارق = حلفـت يابعـد ان حضنـك تصافـق
    لا عطيك بن شلاح لـن كـان وافـق = نبي نصل جده بعد خمـس لحضـات
    قالت يبـو سلطـان كـب المطيـري = خله يدور لـه مـن البيـض غيـري
    قلـت التـوي يالخاينـه بالشجـاري = وابكي وانا اضحك راحت علومك افوات
    ليتك كما ماغابـت الشمـس غبتـي = اتعبتـي ا بـن تويـم وا نتـي تعبتـي
    حلفـت مانعطيـك غيـر الجبـرتـي = عيشي معه رغم علـى كـل شمـات
    قالـت بليتـونـي بـعـود مقـفـي = مانـي بـلا شفـه ولاهـو بشـفـي
    تـراك لـن حطيـت كـفـه بكـفـي = ابانتحر واموت مـن جيـز الامـوات
    قلت الله يسهـل لـك بسـم ساعـه = ياكامـل الاوصـاف وش ذا الدلاعـه
    توعتنـي وان كـان مانـي متـاعـه = قالت نبـي حـل القضيـه بالاثبـات
    لاعـاد يامحمـد مـن اجلـي تعنـا = ماريـد يابـن تويـم غيـر المهـنـا
    عسانـي اتـريـح مـعـه واتهـنـا = وارمي همومي في بحـور الضلمـات
    ثـم افرحتنـي حـيـن ماخبرتـنـي = ومـن الفـرح بعـد انهـا بشرتنـي
    شكرتـهـا ماكـنـهـا عذبـتـنـي = وقلت ياروحـي تناسـي بمـا فـات
    ياقايـد الغـزلان انـا اقـول طـيـب = لنـدن عـن الطايـف بعيـد وقريـب
    يالله تجيـنـا بالصـديـق المغـيـب = يـارب الارض الطاهـره والسمـوات
    نبـي لنـا يانـاس حفلـه كبـيـره = جيبو لنـا سلـوى وجيبـو سميره
    ودقو طبول العرس فـي ذا الجزيـره = مبروك يابنـت مـن احلـى البنيـات
    ابـو فـهـد عـاقـل وتستاهليـنـه = وان كـان فـي ماضيـك ماتعرفينـه
    سبحان مـن سخـرك لـه تعشقينـه = يـاام الثمـان البيـض وام الشفيـات
    تمتعـو واللـيـل خـلـوه ليلـيـن = وشهر العسل يازين خلـوه شهريـن
    يالله لا فـرقـت مابـيـن الااثنـيـن = ياللى جمعت الشمل في سبع ساعـات
    ياهـل العقـول الراسيـات الثـقـالى = هذي طريقة حلمي اللـى جـرى لـي
    ميـر اسمحولـي ياثقـات الـرجـالى = لن كان في بعـض المعانـي مطبـات
    تمت وصلي الله علـى كامـل النـور = اعـداد مامـن حـي يحـج ويـزور
    واعـداد ماخطـن الاقـلام بسـطـور = واعداد من يقرا الصحـف والمجـلات

      الوقت/التاريخ الآن هو السبت نوفمبر 18, 2017 4:32 pm