باقي علي شوي واوصل للهيام
اللي يعل الروح ويسم البدن
منام مال العين في بعدك منام
دام الطروق اللي بصدري لك حدن
من صبح طارن يمك اسراب الحمام
اللي على دوحة فؤادي لك شدن
معزوفهن في غيبتك شوق وغرام
سحب المدامع رافقتهن وأرعدن
بيض السحاب اللي على خدي حيام
تسوقها نود الضلوع ولاهدن
يلوح في عيني من الفرقا عسام
بوادر البشرى بشوفك مابدن
وإن كان حظي ماتعكزلي وقام
عزيتها روحي على احلامٍ غدن
واسندت معناها على نسل الكرام
سيف بيمنايه لياجن وعدن
لاجني همومي وقالن لي سلام
يشيلهن لاجن حياضي ووردن
ماهوب مجهول الهويه والمقام
جمهور لامن المعاني رددن
يكفيني اسندها على القرم الهمام
ينزاح هم على روحي والبدن
» حواء تساءل ربها
» بين الحطام لمحتها
» نعمة الايمان
» زورق الاقدار
» يا ليل ما بك
» آذار ولى هاربا
» شوقي اليك
» ادعوك باسم الحب